नायिका केकी तीन दिनमै संक्रमणमुक्त

९ वैशाख, काठमाडाैं ।  नायिका केकी अधिकारी कोरोना संक्रमणमुक्त भएकी छिन् । कोरोना पुष्टि भएको तीन दिनपछि पुन: पीसीआर परीक्षण गर्दा उनको रिपोर्ट नेगेटिभ आएको हो ।

केही दिनअघिको हावा, पानी र वर्षापछि मलाई रुघाले समात्यो। दुई रात ज्वरो पनि देखियो। मैले स्वाब परीक्षण गउँदा कोरोना पुष्टि भएको थियो, उनले सामाजिक सञ्जालमा लेखेकी छन्, चिकित्सकको सल्लाह अनुसार आफूलाई अलग्गै राखेकी थिए। तीन दिनपछि पुन: परीक्षण गर्दा नतिजा नेगेटिभ आयो।

उनले नतिजा नेगेटिभ आए पनि आफूलाई आइसोलेसनमा रहेको बताएकी छिन् । अन्योलता बिच सबैको फोन उठाउन र मेसेजको प्रतिउत्तर दिन असमर्थ रहेकोमा आफ्नो समस्या बुझिदिन उनले आग्रह गरेकी छन्।

‘हामी सबैले अझै उच्च सतर्कता अपनाउन आवश्यक छ। यहाँहरू सबैको सुस्वाथ्यको कामना गर्दछु। आफ्नो पनि ख्याल राख्नुहोस् र अरुलाई पनि जोगाउनुहोस्, उनले लेखेकी छन्।