स्पष्टिकरण सोधिएका सांसदलाई कारवाहीको निर्णय लिदै ओली

१० बैशाख, काठमाडौं । नेकपा एमालेको महाधिवेशन आयोजक कमिटीको बैठक आज बस्दैछ । प्रधानमन्त्री निवास बालुवाटारमा विहान ११ बजे बस्ने बैठकमा आफ्ना सांसहरुलाई सोधेको स्पष्टिकरणको जवाफको विलेश्षण,  कारवाहीको सम्वन्धमा निर्णय लिइने नेताहरुले बताएका छन् ।

तीन दिन अघि ओलीले संघ र प्रदेश गरी माधवकुमार नेपाल पक्षका ३२ जना सांसदलाई तपाईलाइ सांसद पदबाट किन नहटाउने भनि स्पष्टीकरणर सोधेका थिए । आएका प्रतिउत्तरबारे छलफल गर्न र कारवाहीको निर्णय गर्न ओलीले महाधिवेशन कमिटीको बैठक बोलाएका हुन ।

एमाले प्रमुख सचेतक विशाल भटराईका अनुसार आजको बैठकमा माधव नेपाल पक्षलाई सोधेको स्पष्टीकरण र उनीहरुले दिएको जवाफका साथै उनीहरुको स्पष्टिकरण चित्त नबुझे लिइने कारवाहीका सम्वन्धमा ‍छलफल हुने छ । यसका अतिरिक्त महाधिवेशन तयारीका सम्वन्धमा पनि बैठकमा छलफल हुने भट्टराईले जानकारी दिए ।

तीन दिनको समयसीमा दिएर सोधिएको स्पष्टीकरणमा अन्यले आज बुझाउने अन्तिम म्याद छ । प्रधानमन्त्री एवम् अध्यक्ष ओलीले कर्णाली प्रदेशमा फ्लोर क्रस गर्ने पाँच र संघीय संसदका २७ जना सांसदलाई वैशाख ६ गते स्पष्टीकरण सोधेका थिए । माधवकुमार नेपाल, झलनाथ खनाल, घनश्याम भुसाल, सुरेन्द्र पाण्डेलगायत १९  नेताले बिहीबार स्पष्टीकरणको जवाफ दर्ता गराइसकेका छन् ।