आईसीयू र भेन्टिलेटरमा पुग्ने विरामीहरुको संख्या बढ्दो

१० बैशाख, काठमाडौं । केही दिनयता कोभिड १९ बढ्दो सक्रमणका कारण राजधानी  काठमाडौं उपत्यका लगायत देशका विभिन्न ठाउँहरुमा आईसीयू र भेन्टिलेटरमा पुग्ने विरामीहरुको संख्या दिनप्रतिदिन बढदै गएको छ ।

उपत्यकाका मुख्य सरकारी अस्पतालहरूमा कोरोनाका बिरामी उपचारका लागि व्यवस्था गरिएका आइसियु र शय्या भरिएका छन्। शय्या भरिएपछि अस्पतालहरूले स्वास्थ्य तथा जनसंख्या मन्त्रालयको समन्वयमा बिरामीलाई अन्यत्र निजि अस्पतालमा रेफर गर्न सुरु भएको छ ।

पाटन अस्पतालमा कोभिडका बिरामीको उपचारका लागि १ सय ९० वटा सामान्य र २१ वटा आइसियु शय्या छुट्याइएकोमा विगत तीन दिनदेखि सबै शयया प्याक भएको आएका बिरामीलाई मन्त्रालयमा फोन गरेर अन्यत्र रेफर गरेको पाटन कोभिड १९ उपचार संयोजक डा. विमल पाण्डेले जानकारी दिएका छन् ।

यसै बीच राजधानी बहिर भारतसँग सीमा जोडिएको शहर नेपालगंजमा वेड र वीरामीलाई अक्सिजनको ग्यासको समेत अभाव हुँदै गएको समाचारहरु आएका छन् । भेरी अस्पतालमा जटिल अवस्थाका कोरोना संक्रमित भर्ना हुन थालेपछि अक्सिजनको अभाव भएको छ। कोरोना संक्रमितले अस्पतालमा बेड भरिएका छन्। ​

यता शुक्रराज ट्रपिकल तथा सरुवा रोग अस्पतालमा पनि कोभिडका बिरामी बढेपछि शयया भरिभराउ भएका छन् । शुक्रराज ट्रपिकल तथा सरुवा रोग अस्पतालका सरुवा रोग विशेषज्ञ डा.शेरबहादुर पुनले अहिले नै अस्पतालका सबै भेन्टिलेटर भरिएको र आईसीयू पनि एक–दुईवटामात्रै बाँकी भएको जानकारी दिए।गतवर्ष नै मानिसहरु आइसीयू–भेन्टिलेटर नपाएको स्मरण गर्दै उनले यसपटक संक्रमण उत्कर्षमा पुग्दा अभाव हुनसक्ने भन्दै स्वास्थ्य मापदण्डको पालनामा जोड दिएका छन् ।

यसैबीच राजधानी बहिर भारतसँग सीमा जोडिएको शहर नेपालगंजमा पनि उपचारका लागि शय्या र वीरामीलाई अक्सिजन ग्यासको समेत अभाव हुँदै गएको समाचारहरु आएका छन् । भेरी अस्पतालमा जटिल अवस्थाका कोरोना संक्रमित भर्ना हुन थालेपछि अक्सिजनको अभाव भएको छ। कोरोना संक्रमितले अस्पतालमा बेड भरिएका छन्। ​

जटिल अवस्थाका संक्रमितहरू उपचार गर्न आइरहेकाले अक्सिजन मागको चाप बढी भएकाले अभाव हुँदै गएको भेरी अस्पतालले जनाएको छ। दैनिका २५० वटा सिलिन्डर प्रयोग हुने गरेको छ। मागअनुसार आपूर्ति नभएको अस्पतालले चिकित्सक बताउछन् ।

सक्रमण तिव्र भएकाले विरामीले समान्य शैय्या समेत पाउन नसक्ने अवस्था आउन सक्ने वर्तमान स्वास्थ्य प्रणालीले धान्न नसक्ने  अवस्था आउन सक्ने भन्दै तत्काल लकडाउन गर्न चिकित्सकहरुले सुझाब दिएका छन् ।