राष्ट्रिय सभा सदस्यको उपनिर्वाचनका लागि दल दर्ता आब्हान

१० बैशाख, काठमाण्डौ । निर्वाचन आयोगले राष्ट्रिय सभा सदस्यको उपनिर्वाचनका लागि दल दर्ता गर्न आब्हान गरेको छ ।  आयोगएले एक सूचना निकालेर संविधानको धारा २७१ अनुसार आउँदो जेठ ६ गते हुने उपचुनावका लागि दल दर्ता गर्न आयोगले आग्रह गरेको हो ।आयोगले वैशाख १४ गतेभित्र दल दर्ता गर्न भनेको छ ।

वागमती प्रदेशमा रिक्त एक राष्ट्रिय सभा सदस्यका लागि उपचुनाव हुन लागेको हो । राष्ट्रियसभा सदस्य निर्वाचन ऐनअनुसार कुनै  सदस्यको पदावधि ६ महिनाभन्दा बढी कायम रहँदै कुनै कारणले पद रिक्त भएको ३५ दिनभित्र सरकारले तोकेको मितिमा उपचुनावद्वारा पूर्ति गरिने व्यवस्था छ ।

नेकपा माओवादी केन्द्रबाट २०७४ को चुनावमा निर्वाचित रामबहादुर थापाले दल त्याग रिक्त लागि आयोगले जेठ ६ गते उप निर्वाचनको मिति तय गरेको छ ।

थापा माओवादी केन्द्र त्याग गरेर नेकपा एमालेमा गएका छन् ।