दिल्लीका अस्पतामा अक्सिजनको अभाव, खेतबारीमै शवको अन्त्येष्टि गर्न अनुमति 

१० बैशाख, काठमाडौं । भारतको राजधानी दिल्ली र मुम्वाईका मुख्य अस्पतालमा विरामीको जीवन रक्षाका लागि अतिआवश्यक अक्सिजन अभाव भएको छ । दिल्लीका मुख्य ६ अस्पतालमा अक्सिजन अभाव देखिएको हो। अस्पतालहरुमा पनि केही घन्टाका लागि मात्रै अक्सिजन आपूर्ति हुनसक्ने चिकित्सकहरुले बताएका छन् । अक्सिजन कुर्दाकुर्दै छट्पटाएर जीवन गुमाउनेहरुको कारुणिक दृश्य दिल्लीका अस्पतालहरुमा बढिरहेको छ ।

भारतको कर्नाटक राज्य सरकारले कोरोना संक्रमणबाट ज्यान गुमाएकाको शव खेतबारीमै अन्त्येष्टि गर्न अनुमति दिएको छ। संक्रमित हुने र ज्यान गुमाउनेको संख्या थेग्नै नसकेपछि राज्य सरकारले यस्तो अनुमति दिएको हो। शहरका घाट चिहानमा संक्रमितको शव लर्को गरी आउन थालेको छ। ती स्थानमा शवको चाप थेगिसक्नु नभएपछि खेतबारीमै अन्त्येष्टि गर्न अनुमति दिइएको भारतीय सञ्चारमाध्यमहरू जनाएका छन।​

यसै बीच प्रधानमन्त्री नरेन्द्र मोदीले महामारी नियन्त्रणका लागि आवश्यक निर्णय लिन विज्ञ र मुख्यमन्त्रीहरुसँग आकश्मिक बैंठक गरिरहेका छन् ।