यी हुन् आईपीएलमा सर्वाधिक छक्का प्रहार गर्ने पाँच ब्याट्सम्यान ‘सूचीसहित’

१२ बैशाख, काठमाडौं । भारतमा जारी १४औँ सिजनको आईपीएलमा १८ म्याच सकिसकेका छन् । १८ म्याचको समाप्तिमा सर्वाधिक छक्का हिर्काउने सूचीको शीर्ष स्थानमा जोनी बेयरिस्टो छन् ।

उनले चार खेलमा दश छक्का प्रहार गरेका छन् । यतिबेला बेस्टो धेरै हक्का हिर्काउने लिस्टमा पहिलो नम्बरमा छन् । उनी सनराइजर्स हैदराबाद टिमबाट आईपीएल खेलिरहेका छन् । उनले चार म्याचमा १७३ रन बनाएका छन् ।

यो सूचीको दोस्रो स्थानमा पञ्जाब किंग्सका कप्तान केएल राहुल छन् । उनले पाँच खेलमा १० छक्का नै हिर्काएका छन् । राहुलले तीन अर्धशतकको मद्दतमा २ सय २१ रन बनाएका छन् ।

सर्वाधिक छक्का हिर्काउने मामलामा आन्द्रे रसेल तेस्रो स्थानमा छन् । केकेआरबाट आईपीएल खेल्ने उनले ५ म्याचमा ९ छक्का प्रहार गरेका छन् । त्यस्तै, सञ्जु सामसन, रोहित शर्मा ८ छक्काका साथ क्रमशः चौथो र पाँचौ स्थानमा छन् ।

१८ म्याच सकिँदा सर्वाधिक छक्का हिर्काउने ५ ब्याट्सम्यान