महालक्ष्मी विकास बैंकले दियो प्रहरीलाई ज्याकेट

१२ वैशाख, काठमाडौं । महालक्ष्मी विकास बैंक लिमिटेडले जिल्ला प्रहरी कार्यालय तनहुँलाई एक सय थान फ्लोरोसेन्ट ज्याकेट हस्तान्तरण गरेको छ ।

बैले आफ्नो संस्थागत सामाजिक उत्तरदायित्व अन्तर्गत विभिन्न शाखाहरुबाट विभिन्न कार्यक्रमहरु गर्र्दै आइरहेको जनाएको छ । सोही कार्यलाई निरन्तरता दिँदै बैंकको दमौली शाखाले २०७८ चैत्र ११ गते शनिबार जिल्ला प्रहरी कार्यालय तनहँुलाई एक सय थान फ्लोरोसेन्ट ज्याकेट हस्तान्तरण गरेको जानकारी दिएको छ ।

बैंकको दमौली शाखामा आयोजित कार्यक्रममा शाखाका प्रबन्धक सुदिप न्यौपानेले प्रहरी उपरिक्षक अरुण पौडेललाई उक्त फ्लोरोसेन्ट ज्याकेट हस्तान्तरण गरेका थिए । फ्लोरोसेन्ट ज्याकेट रातको समयमा टाढैबाट देखिने भएका कारण तीव्र गतिका सवारी नियन्त्रण तथा सवारी दुर्घटना रोकथाममा सहयोग पु¥याउने उद्देश्यले बैंकले ज्याकेट उपलब्ध गराएको थियो ।

देशभर १०३ वटा शाखाहरु मार्फत बैंकिङ्ग सेवा प्रदान गर्दै आइरहेको बैंकले आगामी दिनहरुमा पनि संस्थागत सामाजिक उत्तरदायित्व अन्तर्गत अझै प्रभावकारी कार्यक्रमहरु गर्दै जाने प्रतिबद्धता जनाएको छ ।