कोरोना संक्रमित पूर्वराजा ज्ञानेन्द्रको स्वास्थ्य अवस्थामा सुधार

१३ बैशाख, काठमाडौ । कोभिड १९- कोरोना संक्रमित भई अस्पताल भर्ना भएका पूर्वराजा ज्ञानेन्द्र सहित राज परिवारका अन्य सदस्यहरुको स्वास्थ्य अवस्थामा सुधार आएको छ । पूर्व राजा  ज्ञानेन्द्र शाह, पूर्वरानी कोमल राज्यलक्ष्मी शाह र पूर्वअधिराजकुमारी प्रेरणा शाहको अवस्थामा सुधार आइरहेको अस्पताले जनाएको छ ।

नर्भिक अस्पतालका अनुसार पूर्वराजपरिवारका सदस्य उपचाररत सवैमा कोरोनाका लक्षणहरु कम हुँदै गएको छ ।कोरोना संक्रमण पुष्टि भएपछि केही दिन होम आइसोलेसनमा बसेका पूर्वराजपरिवारका तीनै जना सदस्य शनिबार अस्पताल भर्ना भएका थिए ।

स्वास्थ्यमा थप समस्या आउन नदिन चिकित्सहरुको सल्लाह अनुसार नै उहाँहरुलाई अस्पताल भर्ना गरिएको पूर्वराजाका सहयोगी फडिराज पाठकले जानकारी दिए ।