रविचन्द्रन आश्विनले आईपीएलबाट ब्रेक लिए

१३ बैशाख, एजेन्सी । दिल्ली क्यापिटल्सका खेलाडी रविचन्द्रन आश्विनले इन्डियन प्रिमियर लिग आईपीएल छाड्ने भएका छन् । उनले परिवारसँग समय बिताउन भन्दै सामाजिक सञ्जाल ट्वीटरमार्फत आईपीएल छाड्ने जनाएका हुन् ।

आइतबार दिल्लीले सनराइजर्स हैदरावादलाई सुपर ओभरमा पराजित गर्दै चौथो जित हात पारेपछि आश्विनले प्रतियोगिता छाड्ने निर्णय लिएका हुन् । साथै उनले अवस्थाले साथ दिए फेरि फर्कने समेत जनाएका छन् ।

आश्विनले दिल्लीले खेलेका ५ वटै खेल खेलेका थिए । मुम्बईबाट यस सिजनको आईपीएल सुरु गरेको दिल्लीले चेन्नाईमा हुने खेल सकाएको छ र सोमबार अहेमदवाद प्रास्थान गर्नेछ ।

I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ??

— Stay home stay safe! Take your vaccine?? (@ashwinravi99) April 25, 2021

आइतबारै राजस्थान रोयल्सका अष्ट्रेलियन खेलाडी एन्ड्र त्येले पनि आईपीएल छाडेका छन् र व्यक्तिगत कारण देखाउँदै उनी घर फर्केका छन् । गत साता राजस्थानकै लिया लिभिङ्गस्टो पनि थकानलाई कारण देखाउँदै इंग्ल्याण्ड फर्केका छन् । यसअघि नै राजस्थानका बेन स्टोक्स चोटका कारण बाहिरिसकेका छन् ।