धनुषाका कोरोना संक्रमित पुरुषको धरानमा मृत्यु

१३ बैशाख, धरान । कोरोना भाइरसको संक्रमणबाट धरानमा ४८ बर्षिय पुरुषको मृत्यु भएको छ । धरानस्थित बीपी कोइराला स्वास्थ्य विज्ञान प्रतिष्ठानको कोभिड अस्पतालमा धनुषाको जनकपुर उपमहानगरपालिका–८ का पुरुषको उपचारको क्रममा सोमबार बिहान मृत्यु भएको हो ।

प्रतिष्ठानका अनुसार उच्च रक्तचापका बिरामी ती पुरुष वैशाख ९ गते प्रतिष्ठानमा भर्ना भएका थिए ।वैशाख १० गते उनलाई कोरोना पोजेटिभ पुष्टि भएको थियो ।