कोरोनाको हटस्पट बन्दै काठमाडौं, एकै दिन थपिए १५६७ संक्रमित

१३ बैशाख, काठमाडाैं ।  कोरोना भाइरसको हटस्पट बनेको काठमाडौंमा सोमबार एकै दिन १५ सय ६७ जनामा संक्रमणको पुष्टि भएको छ । त्यस्तै, ललितपुरमा २२३ र भक्तपुरमा १२२ जना संक्रमित फेला परेका छन् । त्यस्तै बाँकेमा ३०७ जना संक्रमित थपिएका छन् ।

काठमाडौंमा हाल ६४४ जना संस्थागत आइसोलेशन तथा ९४ जना आईसीयू र ४३ जना भेन्टिलेटरमा रहेका छन् । नेपालमा हाल काठमाडाैं उपत्यकाका तीन जिल्लासहित, मोरङ, पर्सा, कास्की, दाङ, बाँके र रुपन्देहीमा ५ सयभन्दा बढी सक्रिय संक्रमित रहेका छन् ।

हाज देशभर २२ हजार ४३४ जना सक्रिय संक्रमित रहेका छन् जसमध्ये होमआइसोलेसनमा २० हजार ५३५, संस्थागत आइसोलेसनमा १ हजार ८९९, आईसीयूमा २६८ र भेन्टिलेटरमा ७९ रहेका छन् ।