उर्जामन्त्री रायमाझीलाई कोरोना संक्रमण

१४ बैशाख, काठमाडौं । उर्जामन्त्री टोपबहादुर रायमाझी कोरोना भाइरसबाट संक्रमित भएका छन् । कोरोनाको दोस्रो लहर सुरु भएपछि संक्रमित हुने पहिलो मन्त्रीमा उनी परेका छन् ।

हिजो मात्र उनको परीक्षणको रिपार्ट पोजेटिभ आएको हो । रिपोर्ट आएलगत्तै उनी छाउनीस्थित सैनिक अस्पताल भर्ना भएका छन् । हाल उनको स्वास्थ अवस्था सामान्य रहेको छ ।

अस्ती आइतबार मन्त्री रायमाझी गृह जिल्ला अर्घाखाँची गएका थिए । काठमाडौं फर्कनासाथ उनको स्वास्थमा गडबडी देखिएकाले कोरोना परीक्षण गराएका थिए ।