बाँकेमा भाइरसबाट ७२ वर्षीया महिलाको मृत्यु

१४ बैशाख, बाँके । बाँकेमा कोरोना भाइरसबाट थप एकजनाको मृत्यु भएको छ । भाइरसबाट  नेपालगञ्ज–६ की ७२ वर्षीया महिलाको मंगलबार बिहान ११ः२५ मा मृत्यु भएको हो ।

उनको नेपालगञ्ज मेडिकल कलेज शिक्षण अस्पताल कोहलपुरमा सोमबार गरिएको नमुना परीक्षणमा रिपोर्ट पोजेटिभ आएको थियो । योसँगै बाँकेमा कोरोना संक्रमणबाट मृत्यु हुनेको संख्या ९३ पुगेको छ ।

म‌गलबार बिहान मात्रै बाँकेको कोहलपुर–१ की ६० वर्षीया महिलाको भेरी अस्पतालमा र दाङको तुल्सीपुरकी ७४ वर्षीया महिलाको नेपालगञ्ज मेडिकल कलेजमा मृत्यु भएको थियो ।