पीसीआर परीक्षणको शुल्क बढी नलिन प्रयोगशालाहरुलाई निर्देशन

१४ वैशाख, काठमाडौं । सरकारले तोकिएको भन्दा बढी पीसीआर परीक्षणको शुल्क नलिन प्रयोगशालाहरुलाई निर्देशन दिएको छ । स्वास्थ्य तथा जनसंख्या मन्त्रालयले मंगलबार सूचना जारी गर्दै केही निजी प्रयोगशालाहरुले तोकिएभन्दा बढी कोरोना भाइरस पहिचानका लागि गरिने पीसीआर परीक्षण शुल्क उठाएको गुनासो आएकाले थप शुल्क नलिन आग्रह गरेको छ ।

सरकारी प्रयोगशालालाई एक हजार र निजी प्रयोगशालामा दुई हजार रुपैयाँभन्दा बढी शुल्न नलिन मन्त्रालयले सूचना जारी गर्दै आग्रह गरेको छ ।

सूचनामा उल्लेख छ, ‘तोकिएको शुल्कभन्दा कुनै पनि बहानामा थप शुल्क नलिन मन्त्रालय सम्बन्धित सबैमा पुनः जानकारी गराउँछ। लिएको पाइएमा परीक्षणको सूचीबाट हटाइने व्यहारो पनि जानकारी गराइन्छ।’