भक्तपुरमा कोरोना खोप लगाएका ३१ जनामा संक्रमण

१४ बैशाख, भक्तपुर । भक्तपुरमा खोप लगाएका ३१ जनामा कोरोना भाइरस संक्रमण भएको छ। पाँचसात दिन अघि खोप लगाएका ३१ जनाको पीसीआर परीक्षण गर्दा पोजेटिभ देखिएको हो।

भक्तपुरमा सोमबार ११८ जनामा कोरोना संक्रमण भएको थियो। तीमध्ये ३१ जना कोरोना खोप लगाएका व्यक्ति थिए। कोभिड पोजेटिभ हुनेमा खोप लगाएको एक हप्ताभित्रका व्यक्ति छन्

खोप लगाइसकेका मानिस संक्रमित भए अन्य मानिसमा पनि संक्रमण हुने जोखिम हुने भएकाले सबैले मास्क लगाउने, स्यानिटाइजर प्रयोग गर्ने लगायतका सबै स्वास्थ्य मापदण्ड पालना गर्नुपर्ने बताइएको छ ।