एनएमबि बैंकको मुनाफा ८७ प्रतिशतले बढ्यो, प्रतिशेयर आम्दानी कति ?

१५ बैशाख, काठमाडौं । चालु आर्थिक वर्षको तेस्रो त्रैमासमा एनएमबि बैंकले मुनाफा ८७ प्रतिशतले बढेको छ। बैंकले तेस्रो त्रैमासमा २ अर्ब ५१ करोड रुपैयाँ मुनाफा गरेको छ । गत आर्थिक वर्षको तेस्रो त्रैमासमा बैंकले १ अर्ब ३३ करोड रुपैयाँ मुनाफा गरेको थियो । जुन गत वर्षको तुलनामा ८७.८० प्रतिशतले धेरै हो।

यस अवधिमा बैंकले ब्याज आम्दानी भने घटेको छ । बैंकको फि कमिसनमार्फत हुने आम्दानीमा सुधार गरेको छ भने सञ्चालन आम्दानी पनि बढेको छ। अर्कोतर्फ बैंकको इम्पेरमेन्ट चार्ज पनि घटेको छ।

यस अवधिमा बैंकको ब्याज आम्दानी ०.३१ प्रतिशतले बढेर ४ अर्ब ३० करोड पुगेको छ भने सञ्चालन नाफा ८६.७८ प्रतिशतले बढेको छ।समीक्षा अवधिमा बैंकको निक्षेप संकलन १८ प्रतिशतले बढेको छ भने कर्जा लगानी २८ प्रतिशतले बढेको छ।

हाल १६ अर्ब ३२ करोड रुपैयाँ चुक्ता पूँजी रहेको बैंकको जगेडामा ४ अर्ब ४८ करोड रुपैयाँ छ। बैंकको प्रतिशेयर आम्दानी ११ रुपैयाँबाट बढेर २० रुपैयाँ पुगेको छ भने प्रतिशेयर नेटवर्थ १६२ रुपैयाँ रहेको छ।