रोल्पामा आगलागी हुँदा फुसका २६ घर जलेर नष्ट

१५ बैशाख, रोल्पा । रोल्पामा आगलागी हुँदा २६ घर जलेर नष्ट भएको छ । जिल्लाको त्रिवेणी गाउँपालिका, पिराले गाउँमा मंगलबार रातिदेखि आगलागी हुँदा २६ घर र १५ वटा गोठ जलेर नष्ट भएका हुन् ।

घनवाङ जंगलमा लागेको आगो हावाले गाउँमा पुर्‍याएपछि फुसका घरहरु जलेको प्रहरीले जनाएको छ । आगलागीबाट कुनै मानविय क्षति भएको छैन तर १६ बाख्रा र ७ गाई चाहिँ जलेका छन् ।

आगो नियन्त्रणका लागि नेपाली सेना, नेपाल प्रहरी र सशस्त्र प्रहरी बल खटिएका थिए । आगलागीबाट खानेपानीका पाइप जलेका छन्, विद्युत् अवरुद्ध छ ।