काभ्रेपलाञ्चोकमा बिहेमा गएका १५ जनामा कोरोना पुष्टि

१५ वैशाख, काठमाडौं । निरन्तर रुपमा संक्रमण बढेपछि काभ्रेपलाञ्चोकमा बिहे भोजमा सहभागी १५ जनामा कोरोना पुष्टि भएको छ ।
जिल्लाको पनौती नगरपालिकामा बिहे भोजमा सहभागी १५ जनामा कोरोना भाइरसको संक्रमण पुष्टि भएको हो

केही दिनअघि भएको बिहे भोजमा सहभागी एकजनामा संक्रमण पुष्टि भएपछि छरछिमेकीहरुको पनि परीक्षण गरिएको थियो । त्यसक्रममा १५ जनामा संक्रमण पुष्टि भएको बताइएको छ ।

दुईजना जनप्रतिनिधिसमेतलाई संक्रमण भएपछि दुई दिनलाई वडा नं. १० को सेवा प्रवाह पनि बन्द गरिएको छ । नगरमा थप चारजनालाई पनि संक्रमण देखिएको छ । जिल्लामा बुधबार ५० जनामा कोरोना संक्रमण देखिएको छ । उनीहरु काभ्रे, पनौती र धुलिखेलका छन् ।