बुधबार थपिए ४८९७ जना कोरोना संक्रमित

१५ वैशाख, काठमाडौं । नेपालमा पछिल्लाे २४ घण्टामा थप ४८९७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा  १३८७९ पीसीआर परीक्षणमा ४७७४ र ९५५ एन्टिजेन परीक्षणमा १७४ गरी ४८९७ जनामा संक्रमण पुष्टि भएको हो ।

अहिले नेपालमा कोरोना भाइरस सक्रिय संक्रमित संख्या ३० हजार २९० पुगेको छ । त्यस्तै काठमाडौं उपत्यकामा थप २०४७ जनामा संक्रमण पुष्टि भएको छ । भक्तपुरमा २३२, ललितपुरमा ३५१ र काठमाडौंमा १४६४ जना संक्रमित थपिएका हुन् ।