भेरिमा कार्यरत ८ चिकित्सकसहित ७५ जनामा संक्रमण

१५ बैशाख, बाँके । बाँकेको भेरि अस्पतालमा कार्यरत ८ चिकित्सकसहित ७५ जनामा कोरोना भाइरस संक्रमणको पुष्टि भएको छ । बुधबार गरिएको कोरोना परीक्षणमा ८ जना प्यारामेडिक्स, ३२ जना नर्सिङ कर्मचारीसहित ७५ जनामा संक्रमण पुष्टि भएको हो ।

दुई सातायता ७५ जनामा संक्रमण देखिएको अस्पतालले जनाएको छ । बुधबार पनि केही स्वास्थ्यकर्मीसहित कर्मचारीमा संक्रमण भए पनि संक्रमित स्वास्थ्यकर्मीको संख्या अझै बढ्न सक्ने सम्भावना देखिएको छ ।

कोरोना संक्रमितले अस्पताल भरिभराउ हुँदा उपचारमा समस्या आएको भन्दै चिकित्सकहरुले यस्तो भयावह स्थितिको सामना गर्न नसक्ने बताउदै आएका छन् ।

केही दिन अघि माज्ञ स्वास्थ्य तथा जनसंख्या मन्त्रालयले भेरी अस्पतालमा ८० जना स्वास्थ्यकर्मी पठाउने निर्णय समेत गरिसकेको छ । मन्त्रालयको सोही निर्णयको आधारमा अस्पतालले पनि नियुक्तिको प्रक्रिया अघि बढाएको छ ।