नेपालमा कोभिड–१९ को संक्रमण दर उच्च

१६ बैशाख, काठमाडौं । नेपालमा कोभिड–१९ को संक्रमण दर उच्च रहेको छ । नेपालमा अहिले संक्रमित २२८ प्रतिशतका दरले बढिरहेको स्वास्थ्य तथा जनसङ्ख्या मन्त्रालयले जनाएको छ । मन्त्रालयले बुधबार आयोजना गरेको नियमित पत्रकार सम्मेलनमा इपिडिमियोलोजी तथा सरुवा रोग नियन्त्रण महाशाखाका संक्रमण रोग विशेषज्ञ डा अर्चना श्रेष्ठले गत संक्रमणदर भारतको जस्तै रहेको छ ।

गतवर्ष भारतमा नेपालको भन्दा एक महिनाअघि नै बढी संक्रमण दर रहेको यसवर्ष भने नेपाल र भारतको संक्रमणको दर एउटै रहेको उनले जानकारी दिए । “चार हप्तामा भारतजस्तै नेपालमा सङ्क्रमणको दर छिटो छिटो बढेको छ”, उनले भने, “नेपालमा भारतमा भन्दा बढी संक्रमणदर रहेको छ ।”

नेपाल भारतभन्दा दु्रत गतिमा संक्रमणको दर बढिरहेको उनको भनाइ छ । भारतमा जस्तै नेपालमा संक्रमणबाट मृत्यु हुनेको सङ्ख्या पनि बढिरहेको उनले जानकारी दिए । संसारभरमा नेपाल अहिले संक्रमण सार्नेमा सबैभन्दा उच्च रहेको उनले सुनाए । एक जनाले दुई जनाभन्दा बढीलाई संक्रमण सारिरहेको छ । आज मात्र चार हजार ८९७ जनामा संक्रमण देखिएको छ । अहिलेसम्म नेपालमा तीन लाख १२ हजार ६९९ जनामा संक्रमण, दुई लाख ७९ हजार २७९ जना निको र तीन हजार २११ को निधन भइसकेको छ ।

एक महिनामा एक लाख ९३ हजार संक्रमित

उनका अनुसार यही दरमा सङ्क्रमण फैलिने हो भने एक महिनामा एक लाख ९३ जना संक्रमित हुनेसक्ने छन् । “एक वर्षमा जति संक्रमित फेला पारेका थियौँ, संक्रमित यही दरमा बढ्ने हो भने हामी तीन महिनामा विगत एक वर्षको संक्रमितको सङ्ख्या पुग्ने छ”, उनले भने, “संक्रमितको सङ्ख्या मात्र होइन मृत्यु पनि त्यसरी नै बढ्ने छ, यही गति दरमा संक्रमण बढ्ने हो भने हामीले १०० देखि १५० मानिसलाई गुमाउनु पर्छ ।” बुधबार मात्रै १७ जनाको निधन भएको छ ।