बुटवलस्थित कोरोना विशेष अस्पतालमा आधा घण्टामै ३ जनाको मृत्यु

१६ बैशाख, काठमाडौ ।  लुम्बिनी प्रादेशिक अस्पतालले संचालन गरेको बुटवल धागो कारखानास्थित कोरोना विशेष अस्पतालमा गएराति आधा घण्टाको अवधिमा ३ जना कोरोना संक्रमितको मृत्यु भएको छ।

उपचारको क्रममा गएराति बुटवल ११ का ३१ वर्षीय पुरुषको विहान राति २:३० बजे मृत्यु भएको थियो भने विहान २:४५ बजे बुटवल १४ का ६६ वर्षीय पुरुषको मृत्यु भएको लुम्बिनी प्रादेशिक अस्पतालका फोकल पर्सन डा. सुदर्शन थापाले जानकारी दिएका छन्।

त्यसैगरी ३ बजे मायादेबी ६ का ७२ वर्षीया महिलाको पनि उपचारका क्रममा मृत्यु भएको र उनीहरु २ जना ११ गते अस्पताल भर्ना भएका थिए भने बुटवल १४ का संक्रमित ९ गते अस्पताल भर्ना भएको डा. थापाले जानाकारी दिए ।

डा. थापाका अनुसार उपचारका लागि अस्पताल भर्ना भएका तिनीहरुको आज बिहान आधा घण्टाको अन्तरालमा मृत्यु भएको हो । आज मृत्यु भएसँगै रुपन्देहीमा मृत्यु हुनेको संख्या १ सय ८४ पुगेको छ । हिजो पनि रुपन्देहीमा उपचारका क्रममा ६ जनाको मृत्यु भएको थियो।

अस्पतालका प्रवक्ता डा. बिष्णु गौतमका अनुसार बुटवल धागो कारखानास्थित कोरोना बिशेष अस्पतालमा हाल ११ जना आईसीयु र ५ जना भेन्टिलेटरमा गरि जम्मा १६ जना उपचाररत छन्।