लुम्बिनी विकास बैंकको मुनाफा ३.१६ प्रतिशतले घट्यो, प्रतिशेयर आम्दानी कति ?

१७ बैशाख, काठमाडौं । चालु आर्थिक वर्षको तेस्रो त्रैमाससम्ममा लुम्बिनी विकास बैंकले मुनाफा घटेको वित्तीय विवरण प्रकाशित गरेको छ। गत आर्थिक वर्षको यहि अवधिको तुलनामा बैंकको मुनाफा ३.१६ प्रतिशतले घटेको हो।

गत आर्थिक वर्षको यहि अवधिमा ४३ करोड ७६ लाख रुपैयाँ मुनाफा गरेको बैंकको मुनाफा ४२ करोड ३७ लाख रुपैयाँमा सीमित भएको छ। बैंकको ब्याज आम्दानी र सञ्चालन मुनाफा संकुचन हुदाँ नाफा प्रभावित भएको हो।

यस अवधिमा बैंकले ३३ अर्ब ६१ करोड ९३ लाख रुपैयाँ निक्षेप संकलन गरी २८ अर्ब ४८ करोड ९६ लाख रुपैयाँ कर्जा लगानी गरेको छ। त्यसबाट बैंकले ८४ करोड ७५ लाख रुपैयाँ ब्याज आर्जन गरेको छ।

चुक्ता पूँजी २ अर्ब ९० करोड रुपैयाँ रहेको बैंकको जगेडा कोषमा १ अर्ब ५५ करोड ४७ लाख रुपैयाँ सञ्चित छ। यस्तै बैंकको वितरणयोग्य मुनाफा ३३ करोड १९ लाख रुपैयाँ रहेको छ।

यस अवधिमा बैंकको प्रतिशेयर आम्दानी १९ रुपैयाँ ४४ पैसा, प्रतिशेयर नेटवर्थ १६५ रुपैयाँ ६७ पैसा र मूल्य आम्दानी अनुपात १४.६६ गुणा रहेको छ ।