दैलेख अस्पतालका स्वास्थ्यकर्मीमा कोरोना संक्रमण,आकस्मिक बाहेकका सेवा बन्द

१७ बैशाख, काठमाडौं । जिल्ला अस्पताल दैलेखमा कार्यरत कर्मचारी र स्वास्थ्यकर्मीलाई कोरोना संक्रमण देखिएपछि अस्पताले आकस्मिक बाहेकका अन्य सेवा अनिश्चित कालको लागि बन्द गरेको छ ।

अस्पतालमा कार्यरत कर्मचारीहरु र स्वास्थ्यकर्मी समेत कोरोना संक्रमण देखिएपछि आजैदेखि आकस्मिक बाहेकका ओपिडी सेवा बन्द गरेको स्वास्थ्य सेवा कार्यालय दैलेखका प्रमुख थिर प्रसाद रेग्मीले जानकारी दिए ।

कोरोना संक्रमण बढ्दै जान थालेको र स्वास्थ्यकर्मीहरुनै संक्रमणको जोखिममा देखिएपछि थप फैलन नदिन आकस्मिक बाहेक सवै सेवा बन्द गरिएको जानकारी गराउदै अस्पताले सबै सचेत र सुरक्षित रहन कोभिड स्वास्थ्य मापदण्डको पालना गर्न आग्रह  गरेको छ ।

जिल्लामा अक्सिजनको व्यवस्थाका लागि  काम अघि बढाइएको स्वास्थ्य सेवा कार्यालय दैलेखले जानकारी दिएको छ ।