संक्रमणबाट कास्की दुई जनाको मृत्यु

१७ बैशाख, पोखरा । पोखरामा उपचाररत दुई जना कोरोना संक्रमितको मृत्यु भएको छ । संक्रमणबाट कास्कीको पोखरामा उपचाररत दुई जनाको मृत्यु भएको हो । पोखरा महानगरपालिका–६ की ८२ वर्षीया महिला र स्याङ्जाको अर्जुनचौपारी गाउँपालिका–५ का ६२ वर्षीय पुरुषको बिहीबार राति उपचारका क्रममा मृत्यु भएको हो ।

८२ वर्षीया महिलाको पोखरास्थित चरक मेमोरियल अस्पतालमा बिहीबार राति मृत्यु भएको हो । उनीमा वैशाख १५ गते कोरोना संक्रमण पुष्टि भएको थियो । यसैगरी स्याङ्जाका ६२ वर्षीय पुरुषको पोखरास्थित मणिपाल शिक्षण अस्पतालमा बिहीबार राति १२ः४५ बजे मृत्यु भएको हो । उनीमा वैशाख ५ गते संक्रमण पुष्टि भएको थियो ।