तीन प्रतिशतले मुनाफा बढाउन सफल शाइन रेसुंगा डेभलपमेन्ट बैंकको प्रतिशेयर आम्दानीमा गिरावट

१७ बैशाख, काठमाडौं । शाइन रेसुंगा डेभलपमेन्ट बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । तेस्रो त्रैमाससम्ममा बैंकले ४४ करोड ८३ लाख रुपैयाँ मुनाफा आर्जन गर्न सफल भएको छ। जुन गत वर्षको तुलनामा ३ प्रतिशत मुनाफा बढि हो ।

बैंकको ब्याज आम्दानी १० दशमलव ८४ प्रतिशतले घटेपनि सञ्चालन नाफा २ दशमलव ७४ प्रतिशतले बढेको छ । तेस्रो त्रैमाससम्ममा बैंकको मुनाफामा सामान्य सुधार आएको हो ।

बैंकको हालको चुक्ता पुँजी ३ अर्ब ४० करोड रुपैयाँ रहेको छ । त्यस्तै, तेस्रो त्रैमासम्ममा बैंकको प्रतिशेयर आम्दानी भने ४ रुपैयाँ ६६ पैसाले घटेर १७ रुपैयाँ ५४ पैसामा कायम भएको छ भने प्रतिशेयर नेटवर्थ भने १ सय ३८ रुपैयाँ ५० पैसा रहेको छ ।