उपत्यकामा झण्डै तीन हजार संक्रमित थपिए

१७ वैशाख, काठमाडौं । कोरोना भाइरस संक्रमणबाट पछिल्लो २४ घण्टामा काठमाडौं उपत्यकामा एकै दिन झण्डै तीन हजार संक्रमित भएका छन्। स्वास्थ्य तथा जनसंख्या मन्त्रालयका अनुसार काठमाडौंमा दुई हजार ४०४, ललितपुरमा ४१९ र भक्तपुरमा १३३ गरी २९५६ जनामा संक्रमित थपिएका हुन् ।

मन्त्रालयका अनुसार देशभर ५७२७ जनामा कोरोना संक्रमण पुष्टि भएको छ भने ३३ जनाको मृत्‍यु भएको छ ।