पहाड फोड्छु जस्तो लाग्थ्यो तर हावा रैछ जिन्दगी- मदनकृष्ण श्रेष्ठ

१८ बैशाख, काठमाडौं । बरिष्ठ हाँस्यव्यंग्य कलाकार मदनकृष्ण श्रेष्ठ कोरोना भइरसबाट संक्रमण मुक्तभइ अस्पतालबाट डिस्चार्ज भएका छन्। सामाजिक संजाल फेसबुकमा भिडियो सन्देश राख्दै कोरोनालाई जितेर शुक्रबार साँझ  ८  दिनको अस्पताल बसाइपछि घर फर्किएको जानकारी गराउदै उनले कोरोना भाइरस खतरनाक भएको र यसबाट जोगिन सावधानी अपनाउन सवैमा आग्रह गरेका छन् ।

“यो वेला सवैले सवैको भलाई सोचौ, केही हैन रैछ जिन्दगी, पहिले शरीर फलाम जस्तो लाग्थ्यो, पहाड फोड्छु जस्तो लाग्थ्यो हावा रैछ जिन्दगी।’ उनले भिडियोमा भनेका छन् ।  कोरोनाले मानिसलाई गलाउने र यसले ज्यानै लिनसक्ने भएकाले मास्क लगाउनु पर्ने, ह्यान्ड स्यानिटाइजरको प्रयोग गर्नु पर्ने साथै व्यक्ति–व्यक्तिबीचको दुरी कायम गर्न जस्वास्थ्य मापदण्डको पालनामा जोड दिएका छन् ।

उनले कोरोना महामारीको बेलामा राजनीतिक तथा अन्य पूर्वाग्रह नराख्न र दुई दिनको जिन्दगीमा सबैको भलो सोचेर  जीवन खुशी साथ बाँच्नुपर्ने बताएका छन् ।