कैलालीमा उपचाररत तीन जना संक्रमितको मृत्यु

१९ बैशाख, कंञ्चनपुर । सुदूरपश्चिमको कञ्चनपुरमा पनि कोरोना संक्रमणबाट थप तीनको मृत्यु भएको छ । महाकाली अस्पताल र धनगढीको कैलाली अस्पतालमा उपचाररत तीन जनाकाे गएराति मृत्यु भएको हो ।

संक्रमणबाट भीमदत्त नगरपालिका १८ का ४८ वर्षीय पुरुष र भीमदत्त नगरपालिका ७ की ५५ वर्षीया संक्रमित महिलाको मृत्यु भएको हाे । भेन्टिलेटरमा उपचाररत पुरुष बैशाख १६ गते अस्पताल भर्ना भएका थिए भने महिलाको दुई दिनदेखि ईमरजेन्सी वार्डमा अक्सिजन दिएर उपचार भइरहेको थियो ।

यस्तै धनगढीको कैलाली अस्पतालको कोभिड वार्डमा उपचाररत कञ्चनपुरको महेन्द्रनगरमा बस्दै आएका ३३ वर्षीया संक्रमित पुरुषको पनि मृत्यु भएको छ ।  बैतडी घर भएर महेन्द्रनगरमा बस्दै आएका उनको आइतबार बिहान उपचारकै क्रममा मृत्यु भएको बताइएकाे छ ।