पूर्वी नवलपरासीमा पत्रकार कल्याण कोष स्थापना

मिना कंडेल

१९ वैशाख, नवलपुर । नेपाल पत्रकार महासंघ पूर्वी नवलपरासी शाखाबाट निर्वाचित सदस्यले पदभार ग्रहण गरेलगत्तै गत शुक्रवार बसेको पहिलो वैठकले पत्रकार कल्याण कोष संचालन गर्नै निर्णय गरेको छ ।

कोरोना संक्रमणका कारण संचार क्षेत्र र पत्रकारलाई पनि प्रभाव पारेको छ । कोभीडले अहिले मुलुक आक्रान्त छ, यो महामारीबाट पत्रकारिता क्षेत्रपनी अछुतो छैन । उच्च स्वास्थ्य सतर्कता अपनाएर आफ्नो कर्ममा जुट्नुहुन सबैलाई अनुरोध गरिएको छ । पूर्वी नवलपरासीमा कोभीडको असरले रोजगारी खोसिएका पत्रकारहरु कति छन् ? पत्रकार साथिहरुलाई राहत एबम् अन्य आबश्यक सहयोग गर्नुपर्ने अवस्था के छ ? त्यसको लागि पूर्वी नवलपरासीका कार्यसमितिलाई जानकारी गराउन पनि वैठकले निर्णय गरेको छ ।

पत्रकारलाई राहात स्वरुप केहि गर्न सकिन्छ भन्ने उदेश्यले पत्रकार कल्याणकोष स्थापना गर्न लागेको अध्यक्ष विरेन्द्र पराजुलीले बताए । पत्रकार कल्याणकोषमा नेपाली कांग्रेसका महामन्त्री डा। शशांक कोईरालाबाट पचास हजार, अध्यक्ष विरेन्द्र पराजुलीबाट दश हजार, सदस्य भविश्वर पाण्डेबाट पाँच हजार र आभानी मिडिया प्रालिका अध्यक्ष डिल्लिराम कडरीयाबाट सात हजार गरि बहतर हजारको पत्रकार कल्याणकोष स्थापना गरिएको छ । कल्याणकोषमा पछि रकम थप गर्दै लैजाने पनि अध्यक्ष पराजुलीले बताए ।