कोरोनाबाट भेरीमा थप दुई संक्रमितको मृत्यु

१९ बैशाख, बाँके । कोरोना भाइरसबाट बाँकेको भेरी अस्पतालमा थप दुई संक्रमितको मृत्यु भएको छ । करिव २५ मिनेटको अन्तरालमा उपचाररत बाँकेको जानकी गाउँपालिका–४ की २३ वर्षीया महिला र सल्यानको बागचौर नगरपालिका–१२ का ५२ वर्षीय पुरुषको २५ मिनेटको अन्तरालमा मृत्यु भएको हो ।

आइतबार बिहान मात्रै होम आइसोलेसनमा बसेकी बाँकेको कोहलपुर नगरपालिका–२ की ६९ वर्षीय महिला र बैजनाथ गाउँपालिका–७ की उमेर खुल्न नसकेकी एक महिलाको नेपालगञ्ज नर्सिङ होममा कोरोना संक्रमणबाट मृत्यु भएको थियो । बाँकेमा शनिबार एकै रातमा उपचाररत चार जना संक्रमितको पनि मृत्यु भएको थियो ।