पूर्वरानी कोमल शाहको स्वास्थ्य अवस्थामा सुधार

१९ बैशाख, काठमाडौं । काेराेना संक्रमित भइ उपचाररत पूर्व रानी कोमल शाहको स्वास्थ्य अवस्थामा सुधार आएको अस्पतालले जनाएको छ । नर्भिक अस्पतालका अनुसार, संक्रमित भइ नौ दिन अघि भर्ना भएकी शाहलाई गत बिहीबारदेखि प्ल्जामा थेरापी विधिबाट उपचार थालिएको थियो ।

अहिले उनको आइसीयूमै राखेर उपचार भइरहेको छ । अक्सिजनको हाइफ्लो सपोर्टमा उपचार जारी राखिए पनि स्वास्थ्य अवस्थामा क्रमिक रुपमा सुधार भइरहेको अस्पतालले जनाएको छ । नर्भिक अस्पतालमै उपचाररत पूर्व राजा ज्ञानेन्द्र शाह र पूर्व अधिराजकुमारी प्रेरणा शाहको अवस्था भने सामान्य छ ।