एकैदिन संक्रमणबाट चितवनमा ४ जनाको मृत्यु

२० बैशाख, चितवन । कोरोना भाइरस संक्रमणबाट चितवनमा एकैदिन ४ जनाको मृत्यु भएको छ । चितवन मेडिकल कलेज ‘सीएमसी’मा तीन जना र कलेज अफ मेडिकल साइन्सेस पुरानो मेडिकल कलेज ‘सीएमएस’ मा एकजनाको संक्रमणबाट मृत्यु भएको हो ।

चितवनमा १३ जना संक्रमित भेन्टिलेटरमा उपचाररत छन् । सीएमसीमा ९ जना र सीएमएसमा ४ जना भेन्टिलेटरमा उपचार गराइरहेको कार्यालयले जनाएको छ ।

जिल्लाका विभिन्न अस्पतालमा गरेर ६४ जना बिरामी आईसीयूमा उपचाररत छन् । तीमध्ये सीएमसीमा ३६ जना, सीएमएसमा १८ जना र भरतपुर अस्पतालमा १० जना छन् ।

जिल्लाका अस्पतालमा उपचार गराइरहेका २२० जना संक्रमितमध्ये भरतपुर अस्पतालमा १०६, सीएमसीमा ७८ र सीएमएसमा ३६ जना रहेका छन् । जिल्लामा भरतपुर अस्पतालमा ११० शय्या, सीएमसीमा १३९ शय्या र सीएमएसमा १०० शय्या कोभिड संक्रमितका लागि छुट्टाइएको छ ।