काठमाडौं छाडेर घर फर्कन आजबाट स्थानीय तहको सिफारिस चाहिने

२२ बैशाख, काठमाडौ । आजबाट उपत्यका छाडेर घर फर्कनेहरुलाई स्थानीय तहको सिफारिस अनिवार्य गरिएको छ। केही कारणवास उपत्यका छाडनु परेमा अब आफु जाने स्थानीय तहले  कम्तिमा १० दिन क्वारेन्टाइमा राख्ने प्रतिवद्धता गरेको सिफारिस पेश गर्नुपर्ने छ ।उपत्यका छाडेर घर फर्कन चाहनेलाई शुरक्षित रुपमा घर पठाउन यो ब्यवस्था गरिएको बताइएको छ ।

हिजो बसेको काठमाडौँ, भक्तपुर र ललितपुरका प्रमुख जिल्ला अधिकारीको बैठकले उपत्यका छाड्न चाहनेले स्थानीय तहबाट अनिवार्य १० दिन क्वारेन्टाइन राख्ने प्रतिबद्धतासहितको सिफारिस पत्र ल्याएमा घर फर्कन दिने निर्णय गरेको थियो।

सिफारिसका आधारमा उपत्यकाबाट घर फर्कन चाहनेलाई गन्तव्यसम्म जान सहजीकरण गरिने र त्यस्तो सिफारिस लिएमा घर जान दिइने निर्णय भएको काठमाडौँका प्रमुख जिल्ला अधिकारी कालीप्रसाद पराजुलीले जानकारी दिए ।