बाँकेमा कोरोनाबाट थप १० जनाको मृत्यु   

२४ बैशाख, काठमाडौं ।  कोभिड-१९ कोरोना भाइरसको संक्रमणबाट बाँकेमा थप १० जनाको मृत्यु  भएको छ। गएरातिदेखि आज विहानसम्म गरी बाँकेको भेरी अस्पताल र नेपालगञ्ज मेडिकल कलेजमा मात्र १० जनाको ज्यान गएको हो ।

जिल्ला जनस्वास्थ्य कार्यालयका बाकेका अनुसार मृत्यु हुनेमा बर्दियाका ४७ वर्षीय पुरुष, कैलालीकी ४८ वर्षीय महिला छन्। आठ जना भने बाँके जिल्लाका रहेका छन् ।नेपालगञ्ज उपमहानगरपालिका-६ का ३४ वर्षका पुरुष, नेपालगञ्ज -१८ की ५६ वर्षीया महिला, नेपालगञ्ज कै ५२ वर्षीय पुरुष, ६० वर्षकी महिला ५४ वर्षीया महिला र ५४ वर्षकै पुरुष छन्।

त्यस्तै २७ वर्षकी महिला र ६१ वर्षका पुरुष संक्रमणबाट ज्यान गएको छ। यो सँगै बाँकेमा कोरोनाबाट ज्यान गुमाउनेको संख्या १६९ पुगेको छ ।