गृहमन्त्री थापाले उम्मेदवारी दिन नमानेपछि उम्मेदवार खोज्न ओलीलाई सकस  

२४ बैशाख, काठमाडौं । गृहमन्त्री राम बाहादुर थापा उम्मेदावारी दिन डराएपछि उनलाई थप मनाउने वा अन्य कसैलाई उठाउने भन्ने  विषयम प्रधानमन्त्री एवम् एमाले पार्टी अध्यक्ष केपी ओली नेताहरुसँग परामर्शमा जुटेका छन् । वागमती प्रदेशको भागमा रहेको रिक्त राष्ट्रिय सभा सदस्य उपनिर्वाचनको उम्मेदवारी मनोनयन दर्ताको  गर्ने दिनसम्म पनि ओलीले उम्मेदवारी चयन गर्न सकेका छैनन् ।

यसअघि रामबहादुर थापालाई नै उम्मेदवार बनाउने निर्णय भएपनि हिजो बालुवाटारमै बसेको एमाले स्थायी कमिटी बैठकमा थापाले आफु हार्ने निर्वाचनमा नजाने बताएपछि उपनिर्वाचनका लागि उम्मेदवार तय गर्न ओलीलाई सकस परेको छ । विपक्षी गठबन्धनका उम्मेदवारले जित्ने पक्का भएपछि बादल उम्मेदवार बन्नबाट हच्किएका हुन ।  विपक्षी गठवन्धन (कांग्रेस, माओवादी केन्द्र, एमाले खनाल नेपाल समूह र जसपा) बाट संघीयता विद् डा खिमलाल देवकोटालाई अघि सारिएको छ । उनि माधव नेपाल पक्षका एमाले नेता हुन ।

यसैबीच विपक्षी गठबन्धनका साझा डा खिमलाल देवकोटा उम्मेदवारी दिन हेटौडा पुगिसकेका छन् ।‘मनोनयनका लागि हेटौडा आइपुगेको छु ।  सामाजिक संजाल लगायत संचारका विभिन्न माध्यमबाट यहाँहरुले दर्शाउनुभएको सद्भावका लागि निकै नै आभारी छु । यहाँहरुको सहयोग र शुभेच्छा अन्तिम परिणाम प्राप्त नहुन्जेलसम्म कायम रहने अपेक्षा समेत गर्दछु’, देवकोटाले सामाजिक सञ्जालमा लेखेका छन् ।