वाइडबडी जहाज बैशाख २७ गते बेइजिङ जाने

२४ बैशाख, काठमाडौं । नेपाल वायुसेवा निगमको वाइडबडी जहाज बैशाख २७ गते चीन जाने भएको छ । चीनले अनुदानमा दिएको अक्सिजन सिलिण्डर लिन वाइडबडी राजधानी बेइजिङ जान लागेको हो ।

स्रोतका अनुसार जहाज २७ गते गएर २८ गते काठमाडौं फर्कने भएको छ । यो जहाजले एक पटकमा ४ सय सिलिण्डर ल्याउने बताइएको छ । साथमा २० वटा भेन्टिलेटरसमेत चीनबाट यसै जहाजमा ल्याइने भएको छ ।

पहिलो खेप ल्याइहाल्ने र थप सिलिण्डर ल्याउन सरकारको व्यवस्थापन अनुसार जहाज तयारी अवस्थामा रहने नेपाल वायुसेवा निगमका एक उच्च अधिकारीले जानकारी दिए । चीनले २० हजार सिलिण्डर अनुदानमा दिएको छ ।