अडानबाट ओली टसमस नभएपछि दोस्रो पुस्ताका नेताको प्रयास असफल  

२५ बैशाख, काठमाडौं । प्रधानमन्त्री केपी शर्मा ओलीले विश्वासको मत लिने दिन नजिकिदै गर्दै एमाले भित्र दोस्रो पुस्ताका नेताहरुले पार्टी एकराख्न गरेको प्रयासा अर्थहिन बन्दै गएको छ ।  नेताहरुले मध्यमार्गीबाटो जाने एमाले युवा नेताहरुको प्रस्ताव गरेपनी ओलीले  त्यसलाई वेवास्ता गरिदिएपछि उनिहरुको प्रयास असफल भएको हो ।

ओली समूहका नेता ईश्वर पोखरेल, विष्णु पौडेल, सुवास नेम्वाङ, विष्णु रिमाल र नेपाल समूहबाट सुरेन्द्र पाण्डे, घनश्याम भुसाल, योगेश भट्टराई, गोकर्ण विष्टबीच भएको लगतार छलफलमा रहेर विवाद समाधानका लागि ओलीलाई मध्यमार्गी बाटो सिफारिस गरेपनि ओलीले त्यसलाई सिधै अस्वीकार गरेका छन् । उल्टै उनी राष्ट्रपति भण्डारीलाई देखाउँदै नेपाल समहुलाई थर्काउने र गलाउने दाउमा रहेको देखिन्छ ।   विश्वासको मत नपाए पनि लुम्विनी प्रदेशमा जस्तो केन्द्रमा पनि पुन  आफुहरु नै सत्ता नै रहने संकेत ओलीले उनि निकट नेताहरुलाई दिएका छन् ।

त्यसो त पार्टी एकता जोगाउन राष्ट्रपति विद्यादेवी भण्डारीसमेत सक्रिय भएको बुझिएको छ । शीर्षनेता अडानबाट टसमस नभएपछि पार्टी नै विभाजन हुने निश्चित भएपछि राष्ट्रपतिले समेत नेताबीच सहमति गराउन पहल गरिरहेको बताए पनि ओलीकै आग्रहमा राष्ट्रपतिको सक्रियाता बढेको बाइन्छ ।

ओली आफूलाई विश्वासको मत दिनुका साथै उपनिर्वाचनमा नेपाल समूहले विना शर्त सहयोग गर्नुपर्ने अडानमा छन् । तर नेपाल समूह पार्टीलाई २०७५ जेठ २ गतेको अवस्थामा फर्काएर नयाँ ढंगले अघि बढनुपर्ने अडान राख्दै आएको छ । एमाले धेरै नै अघि बढिसकेकाले फर्किन नसक्ने अडान ओलीको छ ।