पदाधिकारी नियुक्ति बारे छलफलमा संवैधानिक परिषद

२६ बैशाख, काठमाडौं । संवैधानिक निकायमा रिक्त पदाधिकारी नियुक्तिका लागि संवैधानिक पषिदको बैठक प्रधानमन्त्री निवास बालुवाटारमा जारी छ । बैठकमा संवैधानिक निकायहरुमा रिक्त पदाधिकारी नियुक्तिको छलफल भइरहेको छ ।

परिषद बैठकमा विपक्षी दलका नेता शेरबहादुर देउवा र सभामुख अग्निप्रसाद सापकोटा सहभागी छैनन् । देउवा र प्रचण्डले प्रधानन्यायाधीश चोलेन्द्रशमशेर जबरालाई पनि बैठकमा सहभागी नहुन आग्रह गरेपनि उनी भने उपस्थित रहेका छन् ।

बैठकमा परिषदका अध्यक्ष प्रधानमन्त्री केपी ओली अध्यक्षताको बैठकमा राणा र राष्ट्रियसभाका अध्यक्ष गणेश तिमल्सिना सहभागी छन् ।  यसै साता सरकारले बहुमत सदस्यको उपस्थितिमा बैठक बस्न र निर्णय गर्न सक्ने संवैधानिक परिषद् सम्वन्धी अध्यादेश जारी भएकाे थियाे ।

यता सत्तारुढ दल कै नेता माधवकुमार नेपालले अध्यादेशमार्फत बलजफति संवैधानिक निकायमा पदाधिकारी नियुक्ति नगर्न सामाजिक संजालमार्फत प्रधानमन्त्री ओलीलाई सचेत गराएका छन् ।