आफैंविरुद्ध मुद्धा विचाराधीन रहेका बेला प्रधानन्यायाधीश संवैधानिक परिषद बैठकमा सहभागी

२६ बैशाख, काठमाडौं । धेरैले अनुमान गरेजस्तै प्रधानन्यायाधीश चोलेन्द्रशमशेर राणा संवैधानिक परिषद बैठकमा सहभागी भएका छन् ।प्रधानमन्त्री केपी ओलीले डाँकेको परिषद बैठक अहिले उनकै सरकारी निवासमा सुरु भएको छ ।

यसअघि पनि अध्यादेशमार्फत संशोधन गरी ओलीले गत मंसिर ३० गते विभिन्न संवैधानिक निकायमा ३४ जनालाई नियुक्त गरेका थिए । त्यसैगरी उनले आज पनि रिक्त लोकसेवा आयोग लगायत संवैधानिक निकायहरुमा नियुक्त गर्ने तयारी गरेका छन् ।

मंसिर ३० गते गरेको नियुक्तिविरुद्ध सर्वाेच्च अदालतमा रिट परेको छ । तर सुनुवाई भने हुन सकेको छैन । आफैंविरुद्ध मुद्धा विचाराधीन रहेका बेला प्रधानन्यायाधीश फेरि बैठकमा सहभागी हुन नमिल्ने आवाज उठ्दा उठ्दै भाग लिएका छन् । भोलि संसदको बैठक बस्दैछ ।