प्रधानमन्त्री ओलीले आज विश्वासको मत लिदैं

२७ बैशाख, काठमाडौं ।  प्रधानमन्त्री केपी ओलीले विश्वासको मत लिने प्रयोजनका लागि आह्वान गरिएको प्रतिनिधि सभाको बैठक आज बस्दै छ । ससद भवन नयाँवानेश्वरमा दिउँसो १ बजेबाट बस्ने विशेष बैठकमा विश्वासको मत लिन गरिने मतदान लगायतका सवै कार्यक्रम आजै सकाउने गरी कार्यसूची तयार गरीएको छ ।

सुरुमा शीर्ष नेताहरुले मात्र सम्बोधन गर्ने र विश्वासको मतका लिनका लागि मतदान गर्ने कार्यक्रम तय भएको छ । कोरोनाबाट संक्रमित सदस्यहरुले पनि मतदान गर्न पाउने गरी छुटै व्यवस्था गरिएको छ ।  कोरोना रिपोट नदेखाइ संसद बैठकमा नआउन सचिवालयले आग्रह गरेको छ ।

प्रधानमन्त्री ओलीको दल नेकपा एमालेका १२१ सांसद छन् । विश्वासको मत पाउन १३६ मत चाहिन्छ ।  मधेशकेन्द्रित दलमा प्रधानमन्त्रीलाई मत नदिने तटस्थ बस्ने वा विपक्षीमा मत दिने निर्णय गरेको छ । महन्थ ठाकुर पक्ष  तटस्थ बसेपनि उपन्द्र यादव पक्षले विपक्षमा भोट हाल्ने बताएको छ । यस्तै  ६१ सांसद भएको प्रमुख विपक्षी नेपाली कांग्रेसले विपक्षमा मत दिने निर्णय गरेको छ । ४९ सांसद भएको माओवादी केन्द्रले प्रधानमन्त्रीलाइ विश्वासकव मत दिने छैन । यस अवस्थमामा प्रधानमन्त्री विश्वासको मत लिन असफल हुने निश्चित देखिएको छ।