विश्वासको मत लिनुपर्ने कारण स्वयं ओलीः देउवा

२७ बैशाख, काठमाडौं ।  प्रधानमन्त्री केपी ओलीले पेश गरेको विश्वासको मतमा मतदान गर्नुअघि प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रश्न उठाए–दुई तिहाईको सरकारले विश्वासको मत लिने अवस्था किन आयो ?

प्रतिनिधिसभामा बोल्ने क्रममा उनले भने–पाँच वर्षका लागि बहुमत पाएको सरकारले तीन वर्षमै किन विश्वासको मत लिनुपरेकाे भनेर आफैं समीक्षा गर्नुहोस् । सरकार बनेदेखि नै निरंकुततातर्फ अग्रसर भएको आरोप लगाउँदै ओलीको कार्यकालमा धेरै भ्रष्टाचार काण्डहरु घटेको स्मरण गराए । यो अवस्था किन र कसरी आयो ? तपाईंकै दम्भ, भ्रष्टाचार र कुसाशनले हैन ? देउवाको प्रश्न थियो ।

प्रधानमन्त्रीले विश्वासको मत लिन बोलाइएको प्रतिनिधिसभाको जारी बैठकमा बोल्दै  देउवाले सरकारकाे तीन बर्षको समिक्षा गर्दा प्रधानमन्त्री ओलीको सरकार पूर्ण रुपमा असफल भएको बताए । प्रधानमन्त्रीको अंक गणतीय दम्भ, राजनीतिक ब्यवस्थामा कुसाशनका कारण यो अवस्था सृजना भएको भन्दै देउवाले प्रधानमन्त्री ओलीको कडा आलोचना गरे ।

आफ्नो पार्टीले सरकारलाई रचनात्मक सहयोग गर्दै आएको त्यसका लागि दलले आलोचना समेत खेपेको भन्दै नेता देउवाको कोभिडको महामारी अवस्था आउनुमा सरकार पूर्णजिम्मेवार रहेको  बताए ।

‘संक्रमण बढिरहेको बेला तामझामसहित धरहरा उद्घाटन गर्न जाने प्रधानमन्त्रीको गैरजिम्मेवारीको नमुना हो । जनताको जीवनरक्षा गर्नुपर्ने बेलामा सरकार खोप र औषधिमा भष्ट्रचारका गरेर सरकार उदाङ्गो भएको छ । व्यापारिक घरानालाई पोस्न प्रधानमन्त्रीले जनताको जीवनलाई दाउ लगाउने काम भयो’ ।  देउवाले भने ।