मोहन विक्रम सिंहलाई कोरोना पुष्टी

२८ बैशाख, काठमाडौं । नेकपा (मसाल) का महामन्त्रीसमेत रहेका पाका कम्युनिष्ट नेता मोहनविक्रम सिंहलाई कोरोना संक्रमण पुष्टी भएको छ । हिजो सोमबार गरिएको पीसीआर टेस्टको आज रिपोर्ट आउँदा पोजेटिभ देखिएको सिंह पत्नी दुर्गा पौडेलले बताएकी छन् ।

पार्टी कामको सिलसिलामा महामन्त्री सिंह पश्चिम नेपाल घुमेर अस्ती मात्रै राजधानी फर्किएका थिए । यहाँ आएपछि ज्वरो, खोकी र टाउको दुखेकाले हिजो पीसीआर गरिएको उनले बताइन् । अहिले स्वास्थ अवस्था सामान्य नै रहेको र घरमै आराम गरिरहेको जानकारी उनले दिइन् ।