अस्पतालबाट डिस्चार्ज भएकै राति संक्रमितको मृत्यु

२८ बैशाख, बर्दिया । बर्दियामा अस्पतालबाट डिस्चार्ज भएको राति कोरोना संक्रमितको मृत्यु भएको छ । बर्दिया राजापुर–४ का ५५ वर्षीय पुरुषको अस्पतालबाट डिस्चार्ज भएकै राति मृत्यु भएको हो ।

वैशाख २० गते गरिएको एन्टिजेन परीक्षणमा उनीमा संक्रमण देखिएको थियो । संक्रमण पुष्टि भएसँगै बाँकेको भेरी अस्पतालमा वैशाख २१ गते उनलाई भर्ना गरिएको थियो ।

स्वास्थ्यमा सुधार आएपछि भेरी अस्पतालले वैशाख २७ गतेमात्रै होम आइसोलेसनमा बस्ने गरी उनलाई डिस्चार्ज गरेको थियो ।