गायक प्रकाश सपूतले जिते कोरोना

गायक प्रकाश सपूत कोरोना जितेका छन् । आफू र भाई कलाकार देबेन्द्र बब्लू कोरोना संक्रमणमुक्त भएको प्रकाशले जानकारी दिएका छन् ।सामाजिक सञ्जालमा मार्फत गायक सपूतले उनले सबैको शुभेच्छा र आफूहरुको आत्मबलले कोरोना जितेको उल्लेख गरेका छन् । उनले कोरोना जित्न सकिन्छ भन्ने आत्मविश्वास बाँडन चाहाने समेत बताएका छन् ।

उनले सतकर्ता अपनाएर संक्रमितलाई हौसला र आत्मबल प्रदान गर्न साथै सुरक्षित र सकारात्मक रहन आग्रह गरेका छन् । यहि बैशाख १६ मा प्रकाशलाई कोरोना सक्रमण पुष्टि भएको थियो । संक्रमण पुष्टि भएपछि उनी होम आइसोलेसनमा बसेका थिए ।

अहिले प्रकाशकी आमा पनि कोरोना संक्रमित छिन् । आमा बलियो आत्मविश्वासका साथ कोरोनासंग जुधिरहेको र छिट्टै कोरोनालाई जित्ने विश्वास लिएको प्रकाशले बताएका छन् ।