देशैभरका अस्पतालमा अक्सिजनकाे चर्को अभाव, मृत्युदर अझ बढन सक्ने      

२९ बैशाख, काठमाडौं । देशैभरका अस्पतालहरुमा अक्सिजनको अभाव  बढेपछि नेपालमा कोभिड-१९ को मृत्युदर बढ्ने देखिएको छ । देशका विभिन्न अस्पतालहरुमा अक्सिजन सकिएको र आइसियु वेड खालि नभएका कारण धेरैले ज्यान गुमाउनु परेका समाचारहरु आइरहेका छन् । मंगलवार मात्र नेपाल २ सय २५ जनाले कोभिड १९ कारण ज्यान गुमाएका छन् ।  जुन अहिले सम्मकै दैनिक ज्यान गुमाउने  सर्वाधिक संख्या हो ।

अस्पतालमा अक्सिजन सकिएपछि राजधानी कै नेपाल मेडिकल अक्सिजनको अभावमा विरामी भर्ना गर्न छाडेको छ  । भर्ना गरेकालाई पनि अन्यत्रै पठाउने गरिएको अस्पताले जनाएको छ । अस्पतालले एक विज्ञाप्ति मार्फत अक्सिजन अभावमा उपचार गर्न नसकिने भन्दै नयाँ विरामी भर्ना लिन छाडेको जानकारी गराएको हो ।  यस्तै राजधानीकै ओम अस्पताले पनि अक्सिजनको अभावका कारण नयाँ विरामी भर्ना गर्न नसकेको जनाकारी गराएका छन् । यस्तै सरकारी अस्पतालमा पनि अक्सिजनको  अभाव भएको कोरोना परिक्षण किटकव समेत अभाव भएका समाचारहरु आएको छन् । शुक्रराज सरुवा रोग अस्पताल टेकुमा पीसीआर परिक्षण किट सकिदा पीसीआर टेस्ट रोकिएको अस्पताले सूचना गरेकाो छ ।

मेडिकेयर अस्पताल, नेपाल–भारत मैत्री अस्पताल, दीर्घायु गुरु अस्पताल एण्ड रिसर्च सेन्टर र हेल्पिङ हेण्डस् सामुदायिक अस्पतालले यसअघि नै विज्ञप्ति जारी गरी अक्सिजनको चर्को अभाव भएकाले पूर्ण क्षमतामा सङ्क्रमितको उपचार गर्न नसकिएको जनउँदै अस्पतालले  नयाँ बिरामी भर्ना लिन नसकिने  प्रष्ट पारेका छन् । यता राजधानी बाहिर पनि नेपालगंज, बुटवल लगायतका अस्पतालम पनि अक्सिजनको अभाव देखिएको छ ।  रुपन्देहीको युनिभर्सल अस्पतालमा पनि अक्सिजनको अभाव भएको बताइएको छ। अक्सिजनको अभावमा आइसियु र भेन्टीलेर संचालनमा समस्या आएका समाचार आइरहेका छन् । हिजो मात्र रुपन्देहीको बुटवलमात्र अक्सिज अभाव र आयसियु नपाउँदा ८ जनाको मृत्यु  भएको छ ।

नपालमा अहिले देशमा दैनिक १५ हजार बढी लिटरको अक्सिजनको माग छ  भने ७ हजार २ सय लिटर मात्र मात्र उत्पादन क्षमता रहेकाे छ । यही अवस्था रहे  नेपाले भारतमा भन्दा ठुलो संकट व्यहोर्नुपर्ने चेतावनी अक्सिजनक उत्पादक कम्पनीले दिएका छन् ।