भाजपा नेताकाे छनोटमा ओली परेपछि…..

२९ बैशाख, काठमाडौं । भारतीय जनता पार्टी (भाजपा) का नेता सुब्रमण्यम स्वामीले नेपालमा भावी प्रधानमन्त्रीका सम्वन्धमा दिएको अभिव्यक्तिले सामाजिक संजाल निकै तातेको छ । नेता स्वामीले ओली भारतको छनोटमा रहेको र प्रचण्ड प्रधानमन्त्री भए नेपालमा फेरी चीनकै जित हुने भन्दै  ट्विट गरेका थिए ।  उनको यो धारणालाई लिएर सामाजिक संजालमा बहस तातेको हो ।

स्वामीजीको यो भनाइ आएपछि  रवीन्द्र घिमिरेले फेसवुकमा लेखेका छन्,  प्रचण्ड ‘भारतको लागि कम्फर्टेबल सरकार हामी बनाउँछौं’ भन्थे, भाजपाका नेताले ‘हामीलाई त ओली नै कम्फर्टेबल छन्’ भन्देछन् । #बा_फेरि_निर्वस्त्र ।

कतिपयले भने भाजपा नेता सुब्रमन्यम स्वामी प्रचण्डको इशारामा प्रधानमन्त्री ओलीलाई बदनाम गराउन खोजेको आरोप लगाएका छन् ’ केपी ओली नेपाल र नेपालीको कम्फर्टेबल नेता हो स्वामी जी । प्रचण्डको तालमा लागेर यस्तो नलेख्नुस, दिमागको बिर्को खोल्नुस् भनेर नेकपा एमालेका युवा नेता एवं युवा संघका केन्द्रीय उपाध्यक्ष सञ्जिव झाले जवाफ फर्काएका छन् ।

यस्तै कतिपयले  उनको यो भनाई नेपालको आन्तरिक मामलमा भारतीय नेताको हल्का र गैरकूटनीतिक टिप्पणी भएको भन्दै निन्दा गरेका छन् ।