आजदेखि राजधानीमा अनावश्यक हिडडुलमा प्रतिवन्ध  

३० बैशाख,  काठमाडौं ।  काठमाडौं उपत्यकामा आजदेखि अत्यावश्यकबाहेक सवै कार्यालय बन्द गरिदे अतिआवश्यक विनाको हिडडुलमा समेत प्रतिवन्ध लगाइने भएको छ।  दुई साता निषेधाज्ञा लागाउँदा पनि कोरोनाको कम नभएका बढ्दो क्रममा रहेकाले अतिआवश्यक वाहेका सरकारी सार्वजनिक कार्यालय बन्द गर्ने र  अनावश्यक हिडडुलमा पनि प्रतिवन्ध लगाउने निर्णयमा गृह प्रशासन पुगेको हो ।

सूचनामा अत्यावश्यक सेवाका कार्यालयलाई सेवा प्रवाहमा कुनै व्यवधान आउन नदिइ न्यूनतम जनशक्तिमा सेवा प्रवाहको व्यवस्थापन गर्न भनिएको छ। यसैबीच उपत्यकामा आज राति १२ बजेदेखि लागू हुनेगरी आगामी जेठ १३ गते राति १२ बजेसम्मका लागि निषेधाज्ञा थप गरिएको छ। बुधबार राति १२ बजेदेखि तोकिएको निषेधाज्ञाको समयावधि सकदै थियो ।

यसैबीच हालसम्म  चारबाट हिमाली जिल्ला  बाहेका मुलुका ७३ बटै जिल्लामा निषेधाज्ञ जारी गरिएको गृहमन्त्रालयले जनाएको छ। गृह मन्त्रालयका अनुसार मनाङ, रुकुमपूर्व, तेह्रथुम र खोटाङले निषेधाज्ञा लागू गरेका छैनन् ।

जारी निषेधाज्ञाका बीच नेपालमा पछिल्लो हप्ताको तथ्याँक विश्लेषण गर्दा कोरोना संक्रमितको सङ्या ५१ प्रतिशतले बढिरहेको छ । भारतभन्दा नेपालमा संक्रमण र मृत्युदर निकै बढी रहेको स्वास्थ्य मन्त्रालयको जनाएको छ । मन्त्रालयकी  सरुवा रोग विशेषज्ञ डा अर्चना श्रेष्ठका अनुसार नेपालमा प्रति १० लाखमा तीन सय चार जना र भारतमा प्रति १० लाखमा दुई सय ४० मात्रै सङ्क्रमण दर रहेको छ । यस्तै नेपालमा प्रति १० लाखमा ३ दशमलव ३ जनाको ज्यान गइरहेको छ भने भारतमा प्रति १० लाखमा दुई दशमलव पाँच जनाको ज्यान गइरहेको छ ।