शनिबार नेपाल एयरलाइन्स ओमान जाने

३० बैशाख, काठमाडौं । अक्सिजन सिलिण्डर लिन नेपाल एयरलाइन्सको विमान ओमान जाने भएको छ । गैरआवासीय नेपाली संघको सहयोग र नेपाली दूतावास ओमानको सहकार्यमा सहयोग स्वरुप प्राप्त हुने करिव ६०० थान अक्सिजन सिलिन्डर लिन विमान ओमान जान लागेको हो ।

शनिबार ओमानको राजधानी मस्कटको लागि विमानले उडान भर्ने तयारी गरिरहेको नेपाल एयरलाइन्सका महाप्रवन्धक डिम प्रकाश पौडेलले सामाजिक सञ्जाल मार्फत जानकारी दिएका छन् ।

उनले लेखेका छन्, “गैर आवासिय नेपाली संघ ‘सोसियल क्लब’ ओमन को सहयोग र नेपाली दुतावास ओमानको सहकार्यमा सहयोग स्वरुप प्राप्तहुने करिव ६०० थान अक्सिजन सिलिन्डर लिन आगामी शनिवार ओमानको राजधानी मस्कट जाने प्रयास गरिरहेका छौं । फर्केर सोही दिन सांझ चिनको बेईजिङ मा संकलित करिब ४०० थान अक्सिजन कन्सर्नटेटर, ४०० थान सिलिन्डर र अन्य चिकित्शा सामाग्री लिन जाने तयारी गरिरहेका छौं। त्यसपछी हरेक दिन ५५० थान सिलिन्डर उत्पादन हुने भएकोले हरेक दिननै ब्घघण् बिमान बेईजिङ पठाउने छौं। अन्यत्र उपलब्ध हुन सक्ने सामानहरु ल्याउन निगमका सबै जहाजहरु तयारी अवस्थामा राखिएको छ। नेपाल सरकार का सम्बद्द सबै निकायहरुको अहोरात्र सक्रियतामा आगामी १०-१२ दिनमा अक्सिजनको समस्या समाधान हुन्छ भन्ने भरोसा गरौं।”

पौडेलका अनुसार ओमनबाट फर्केर सोहीदिन साँझ चीनको बेईजिङमा संकलिक करिब ४०० थान अक्सिजन कन्सर्नटेटर, ४०० थान सिलिन्डर र अन्य चिकित्सा सामग्री लिन जाने तयारी नेपाल एयरलाइन्सको छ।

त्यसपछि हरेक दिन ५५० थान सिलिन्डर उत्पादन हुने भएकोले हरेक दिन नै ए ३३० विमान बेइजिङ पठाउने तयारी एयरलाइन्सले गरेको छ । अन्यत्र उपलब्ध हुन सक्ने सामानहरु ल्याउन निगमका सबै जहाजहरु तयारी अवस्थामा राखिएको पौडेलले जानकारी दिए ।