प्रधानमन्त्री ओली र माधव नेपालबीच टेलिफोन वार्ता

३० बैशाख, काठमाडौं । प्रधानमन्त्री एवं एमाले अध्यक्ष केपी ओलीले वरिष्ठ नेता माधव नेपाललाई टेलिफोन गरेका छन् । आज बिहान बालुवाटारमा बसेको एमाले स्थायी कमिटीको बैठकले नेता नेपालसहितका ४ जना नेताहरुमाथि कारवाही फुकुवाको निर्णय लिए लगत्तै प्रधानमन्त्री ओलीले नेपालसँग टेलिफोन संवाद गरि पाटी एकता जोगाई राख्न आग्रह गरेको बताइएको छ ।

एमाले विभाजनको अन्तिम चरणमा पुगेका बेला ओलीले पाटी एकता जोगाई राख्न अन्तिम प्रयास गरेको बालुवाटार स्रोतले दावी गरेको छ ।

राष्ट्रपतिले आज साँझसम्मको समय दिदै संविधानको धारा ७२ (२) अनुसार बहुमतको सरकार गठन गर्न दलहरुलाई आव्हान गरेबमोजिम आजै माधव नेपाल समुहका २० जना सांसदले सामुहिक राजीनामा दिने तयारी गरेका थिए ।